Навіны

20/06/2019 «Смачны тур» па Віцебшчыне Віцебшчына – адзіны ў Беларусі рэгіён, які ўвайшоў у Еўрапейскую сетку кулінарнай спадчыны, якая прасоўвае гастранамічны турызм. Карэспандэнты абласной газеты «Віцебскія весці" у рамках праекта «Смачны тур» наведалі розныя куткі гасціннага і хлебасольнага Прыдзвінскага краю, каб распавесці пра адметныя мясцовыя стравы, якімі частуюць гасцей аграсядзібы і кулінарныя клубы вобласці.	12/06/2019 Новая выстава, прысвечаная традыцыйнаму адзенню Віцебшчыны У Віцебскім абласным метадычным цэнтры народнай творчасці адкрыта для наведвальнікаў абласная выстава традыцыйных галаўных убораў Віцебшчыны, якая праводзіцца ў мэтах вывучэння і аднаўлення традыцыйных галаўных убораў жыхароў Падняпроўя, Падзвіння і Паазер’я. Тут прадстаўлены дзявочыя вянкі, павязкі (скіндачкі), вясельныя вянкі з фатой, каруны; жаночыя наміткі, чапцы, павойнікі, хусткі, шалі, абхінанкі; мужчынскія магеркі, аблавухі, брылі, картузы. Выстава працягвае шэраг мерапрыемстваў Віцебскага АМЦНТ, прысвечаных рэканструкцыі традыцыйнага адзення рэгіёна.
Падрабязна	Падрабязна
13/05/2019 «Свята клёцак» упершыню адбылося ў Паставах Раённае «Свята клёцак» прайшло ў Паставах 5 мая 2019 г. ў рамках агляду-конкурсу аматарскіх аб’яднанняў і клубаў па інтарэсах Цэнтра культуры і народнай творчасці Пастаўскага раёна. Ідэя свята нарадзілася з той нагоды, што нашы клёцкі “з душамі”, як традыцыйная страва заходніх раёнаў Віцебшчыны у 2017 г. былі ўнесены ў Дзяржаўны спіс гісторыка-культурных каштоўнасцей Рэспублікі Беларусь.	16/04/2019 Віншуем пераможцаў конкурсу народных побытавых танцаў Гомельскай вобласці «Вытокі»! ІХ абласны конкурс выканаўцаў народных побытавых танцаў “Вытокі”, прысвечаны Году малой радзімы, адбыўся ў г. п. Уваравічы Буда-Кашалёўскага раёна і г. Калінкавічы 6 і 13 красавіка 2019 года. Мерапрыемства правяла ўстанова “Гомельскі абласны цэнтр народнай творчасці” пры падтрымцы галоўнага ўпраўлення ідэалагічнай работы, культуры і па справах моладзі Гомельскага абласнога выканаўчага камітэта.
Падрабязна	Падрабязна
26/03/2019 Дэмбраўскай кадрылі і абраду “Сула” нададзены статус гісторыка-культурнай каштоўнасці Мясцовы танец “Дэмбраўская кадрыля” са Шчучынскага раёну і абрад “Ваджэнне Сулы” на другі дзень Вялікадня ў Гомельскім раёне атрымалі статус нематэрыяльнай гісторыка-культурнай каштоўнасці. Аб гэтым сведчыць Пастанова Мінстэрства культуры Рэспублікі Беларусь ад 19.сакавіка 2019 г. № 16, якая прынята на падставе рашэння Беларускай рэспубліканскай навукова-метадычнай рады па пытаннях гісторыка-культурнай спадчыны, паседжанне якой адбылося ў Міністэрстве культуры 5 сакавіка 2019 г.	15/03/2019 Ой ты, чырачка-пташачка, прынясі нам вясну! Старажытны абрад гукання вясны “Чырачка” праводзіцца з даўніх часоў жыхарамі аг. Тонеж. Сярод іх – удзельнікі народнага фальклорнага калектыву “Таняжанка” і яго спадарожніка – дзіцячага калектыву “Верас” Тонежскага СДК Лельчыцкага раённага цэнтра культуры і народнай творчасці. Веснавое свята, прысвечанае прылёту і сустрэчы птушак як сімвала вясны, адсвяткавалі сёлета 10 сакавіка. У 2016 годзе традыцыя была ўключана ў Дзяржаўны спіс гісторыка-культурных каштоўнасцей Рэспублікі Беларусь.
Падрабязна	Падрабязна
<< 1 ... 17 18 19 20 21 22 23 24 25 26 27 ... 66 >>