Навіны

На другі дзень праваслаўнага свята Тройцы, 28 мая 2018 года, жыхары вёскі Навінкі Калінкавіцкага раёна здзейснілі перанос Свячы. «Свячой» у гэтай вёсцы называюць аздобленыя кветкамі васковую свечку і абраз святой Тройцы. Хата, дзе стаіць Свяча, з’яўляецца своеасаблівым вясковым храмам, куды можа прыйсці любы чалавек, каб памаліцца, папрасіць дапамогі, падтрымкі ў святынь. У раздзеле Фотагалерэя глядзіце фотарэпартаж са свята Ірыны Глушэц

У восьмы раз на Любаншчыне 9-12 ліпеня пройдзе Рэгіянальны фэст традыцыйнай культуры «Пятровіца». Напярэдадні фэсту 8 ліпеня арганізатары запрашаюць на «Пятроўскі танцавальны інтэнсіў» для пачаткоўцаў!

Майстр-клас па вырабу дудкі спосабам выкручвання з Ф.У.Муравейкам адбыўся 29 мая ў Салігорскім раёне. У раздзеле Фотагалерэя глядзіце фотарэпартаж сустрэчы з майстрам. 

 

Абласны семінар «Формы работы па захаванні і папулярызацыі элемента НКС «Казкавая традыцыя Уздзеншчыны ў рэпрэзентацыі Лідзіі Міхайлаўны Цыбульскай з в. Магільна Уздзенскага раёна Мінскай вобласці» адбыўся на радзіме вядомай казачніцы 24 мая 2018 г.

Адкрыты майстр-клас па вырабу беларускай дудкі спосабам выкручвання адбудзецца ў Салігорскім раёне 29 мая. Традыцыю старажытнага майстэрства захоўвае адзіны вядомы на Беларусі майстар Фёдар Уладзіміравіч Муравейка з вёскі Тычыны. Ён імкнецца перадаць нашчадкам веды і навыкі па вырабу дудкі архаічным спосабам. Да удзелу ў майстр-класе запрашаюцца ўсе зацікаўленыя асобы, якія хацелі бы пабачыць і пераняць старажытнае майстэрства вырабу музычнага інструмента. Майстар-клас арганізуе культурна-дасугавы цэнтр Салігорскага раёна. Па ўсіх пытаннях удзелу неабходна звярнуцца да Данілевіч Антаніны Рыгораўны па тэл. +375 29 658 4507