Навіны

10 снежня было прынята рашэнне ўключыць у дзяржаўны спіс гісторыка-культурных каштоўнасцей Абрад ваджэння Кусты на другі дзень Тройцы ў аграгарадку Лобча Лунінецкага раёна Брэсцкай вобласці; Велікодныя вербы на Гродзеншчыне; Традыцыйнае мастацтва маляваных дываноў Віцебскага Паазер'я.

Куставая лакальна-рэгіянальная парадыгма беларускай каляндарна-абрадавай культуры, у якую ўваходзіць абрад “Ваджэнне Кусты”, — унікальная з’ява, знак нацыянальнай адметнасці народнай культуры беларусаў у кантэксце славянскай традыцыі.

Беларускі камітэт ІКАМОС, Нацыянальны Гістарычны музей і Польскі інстытут у Мінску запрашаюць на сустрэчу з польскай даследчыцай храмавай архітэктуры, гісторыкам мастацтва Марыяй Каламайскай-Саед.

У раздзеле “Публікацыі” сайта змешчаны “Катрушніцкі лемезень” – унікальны слоўнік дрыбінскіх шапавалаў, у які ўключаны словы з сакрэтнай мовы невялікага асяродка майстроў валяльнага промыслу. 

У раздзеле “Публікацыі” сайта размешчана выданне “Жывая спадчына Беларусі. Каталог”. Дадзеная публікацыя падрыхтавана ў рамках праекта па інвентарызацыі нематэрыяльнай культурнай спадчыны (НКС) Беларусі і ўтрымлівае найбольш выразныя яе элементы ў розных катэгорыях бытавання, захоўвае структуру Нацыянальнага Інвентару НКС.