Выдатная назва шматлікіх падзей

У бягучым годзе на Гродзеншчыне шэраг мерапрыемстваў, прысвечаных нематэрыяльнай культурнай спадчыны, праходзяць пад назвай «Панямоння жыватворныя крыніцы». Літаральна 7 верасня ў г. Ліда адбылісяі заключныя падзеі абласнога фестывалю рэгіянальнага фальклору з паэтычнай назвай «Панямоння жыватворныя крыніцы», які ў Гродзенскай вобласці ладзяць ужо больш за 15 год. І як у працяг фестывальнага руху 17 верасня адкрылася выстава прадметаў традыцыйнай культуры з аднаіменнай назвай у Гродзенскім абласным метадычным цэнтры народнай творчасці.

Экспанаты выставы вызначаюцца як “этнапрадметы" з наступным тлумачэннем:"...гэта аб'екты традыцыйнай культуры, якія адлюстроўваюць побыт, звычаі, вераванні і традыцыі канкрэтнага этнасу ці народа, напрыклад, прадметы побыту, адзенне, прылады працы і шмат іншага. Яны з'яўляюцца каштоўнай крыніцай інфармацыі для вывучэння гісторыі, культуры і ладу жыцця людзей у мінулым і сучаснасці.”

Экспазіцыя будзе працаваць да 31 кастрычніка.

Больш падрабязна пра выставу можна даведацца з рэпартажа тэлерадыёкампаніі “Гродна”.

Паводле ўпраўлення культуры Гродзенскага абласнога выканаўчага камітэта, ДУК “Гродзенскі абласны метадычны цэнтр народнай творчасці”, тэлерадыёкампаніі “Гродна".

Фота  ДУК “Гродзенскі абласны метадычны цэнтр народнай творчасці”