У Дзяржаўны спіс гісторыка-культурных каштоўнасцей Рэспублікі Беларусь уключаны больш 100 элементаў НКСНа сайце “Жывая спадчына Беларусі” апублікаваны новыя статыстычныя звесткі аб нематэрыяльных гісторыка-культурных каштоўнасцях. Раней ужо пісалі, што ў 2021 годзе статус гісторыка-культурнай каштоўнасці атрымалі 11 элементаў нематэрыяльнай культурнай спадчыны. Усяго ў Дзяржаўны спіс гісторыка-культурных каштоўнасцей Рэспублікі Беларусь уключаны 156 адметных праяў нематэрыяльнай творчасці чалавека, сярод іх 46 традыцыйных рамёстваў; 23 традыцыйныя цырымоніі; 14 выканальніцкіх мастацтваў; 11 рэгіянальных праяў традыцыйнай кухні; 6 праяў светапогляду і міфалогіі; 5 вусных традыцый; 51 геральдьчны і тапанімічны аб’ект. Найбольшая колькасць элементаў НКС у Дзяржспіс прапанавана Віцебскай (20) і Гродзенскай (19) абласцямі, на другім месцы – Брэсцкая (18) і Мінская (17) вобласці, на трэцім – Магілёўская (15) і Гомельская (13) вобласці. У 2019 годзе да інвентарызацыі НКС далучыўся г.Мінск, які на сённяшні дзень у Дзяржспісе мае тры элементы НКС. У раздзеле сайта Рэсурсы / Інфармацыйна-аналітычныя матэрыялы апублікаваны: Статыстычныя звесткі пра нематэрыяльныя гісторыка-культурныя каштоўнасці Кароткае апісанне ўсіх элементаў НКС, фота- і відэаматэрыялы апублікаваны ў раздзеле сайта Інвентар НКС
Форум для отзывов 1 не существует. |
