Каляндар падзей

ІХ абласны конкурс выканаўцаў народных побытавых танцаў “Вытокі” адбудзецца ў г.п. Уваравічы Буда-Кашалёўскага раёна і г. Калінкавічы 6 і 13 красавіка 2019 года. Арганізоўвае і праводзіць конкурс установа “Гомельскі абласны цэнтр народнай творчасці” пры падтрымцы галоўнага ўпраўлення ідэалагічнай работы, культуры і па справах моладзі Гомельскага абласнога выканаўчага камітэта

У бібліяіэцы імя Адама Міцкевіча Чырвонага касцёла г. Мінска 31 сакавіка а 16-й гадзіне адбудзецца вечарына, прысвечаная ўключэнню ўрачыстасці ў гонар ушанавання абраза Маці Божай Будслаўскай у Рэпрэзентатыўны спіс нематэрыяльнай культурнай сусветнай спадчыны чалавецтва (ЮНЕСКА)

Сёлета ў Новінах цягнуў Каляду на дуба малады аматар фальклору з Масквы, даследчык і пераемнік традыцыйнай танцавальнай спадчыны Смаленшчыны і іншых рэгіёнаў Расіі і Беларусі Ігар Узлоў. Прапануем яго погляд з ўражаннямі ад удзелу ў свяце заканчэння беларускіх Каляд. Выказваем падзяку Мінскаму АМЦНТ за садзеянне ў арганізацыі паездкі.

13 студзеня ў аг. Семежава Капыльскага раёна здзейснілі штогадовы калядны абыход двароў два гурты “Цароў”. У 2009 годзе старадаўняя мясцовая традыцыя была унесены ў ахоўны спіс ЮНЕСКА. З кожным годам усё больш гасцей наведвае свята, а ў сеціве з’яўляюцца новы формы асвятлення падзеі.

Абрадавае ігрышча “Ката пячы” яшчэ памятаюць у Бярэзінскім, Вілейскім, Лагойскім раёнах Мінскай вобласці, у суседнім з Міншчынай аграгарадку Бакшты Іўеўскага раёна Гродзенскай вобласці. Але каштоўнасць традыцыі, якая захавалася ў Скірмантаве, гэта яе жывая форма, глыбокі архаічны змест, форма абрадавага печыва і мноства мясцовых танцаў, гульняў, песень, якія выяўляюць яе эратычны змест у прыгожай мастацкай форме, далікатна і з гумарам. А яшчэ ўпершыню ўдалося ўстанавіць часавыя рамкі, калі спраўлялі гэтае ігрышча — загавіны перад Піліпаўкай, Піліпаўка, Каляды, Провады Каляд, Мясаед, Масленіца, загавіны перад Вялікім Постам.