Шлях да нашчадкаў традыцый
Як пазнаёміць дзяцей з важнымі і каштоўнымі праявамі нашай традыцыйнай культуры? Якім чынам матываваць і натхніць хлопчыкаў і дзяўчынак вывучаць рэгіянальныя культурныя адметнасці і стаць іх пераемнікамі і прадаўжальнікамі? Адказы на гэтыя пытанні магчыма знойдуцца падчас падвядзення вынікаў V Рэспубліканскага фестывалю-конкурсу даследчых праектаў навучэнцаў “Нашчадкі традыцый” 16-17 красавіка 2026 года.
Арганізатарамі гэтага цікавага культурна-даследчыцкага конкурса выступаюць Міністэрства адукацыі Рэспублікі Беларусь і Нацыянальны цэнтр мастацкай творчасці дзяцей і моладзі.
У конкурсе прымаюць удзел навучэнцы ўстаноў дадатковай адукацыі дзяцей і моладзі і агульнай сярэдняй адукацыі, педагагічныя работнікі, якія ажыццяўлялі падтрымку праектна-даследчай дзейнасці і яе метадычнае суправаджэнне.
Конкурс накіраваны на патрыятычнае і духоўна-маральнае выхаванне навучэнцаў, далучэнне дзяцей і моладзі да каштоўнасцей беларускай культурнай спадчыны, вывучэнне рэгіянальных народных традыцый і развіццё дзіцячай даследчай творчасці ў галіне беларускага народнага мастацтва.
 У фінале фестывалю-конкурсу – 18 лепшых праектаў з усіх рэгіёнаў Беларусі.
Творчая абарона-прэзентацыя праектаў адбудзецца па намінацыях: v Музычная спадчына маёй Радзімы v Культурныя традыцыі і абрады роднага краю v Рукатворныя помнікі народнага мастацтва маёй краіны  У кожнай з намінацый прадстаўляюцца праекты, якія накіраваны на даследаванне, захаванне, папулярызацыю традыцыйнай культуры беларусаў, мастацкую рэканструкцыю і творчае пераасэнсаванне народнай спадчыны ў сучасных умовах. Месца правядзення: г. Мінск, вул. Фабрыцыуса, 5, Нацыянальны цэнтр мастацкай творчасці дзяцей і моладзі
Паводле УА "Нацыянальны цэнтр мастацкай творчасці дзяцей і моладзі" Форум для отзывов 11 не существует. |
|
