Адкрыццё фотавыставы “Дакрануцца да спадчыны душой. Нематэрыяльная культурная спадчына Беларусі”

У межах мерапрыемстваў, прымеркаваных да 20-годдзя Канвенцыі ЮНЕСКА аб ахове нематэрыяльнай культурнай спадчыны 2003 г., Міністэрствам культуры Рэспублікі Беларусь і Рэспубліканскім цэнтрам нацыянальных культур падрыхтавана фотавыстава “Дакрануцца да спадчыны душой. Нематэрыяльная культурная спадчына Беларусі”.

Фотавыстава адмыслова зроблена выключна мабільнай у выглядзе 25 roll-up-стэндаў з маляўнічымі ілюстрацыямі і цікавымі фактамі аб духоўных здабытках нашай краіны. Да канца года выставачны праект будзе падарожнічаць па ўстановах культуры ўсіх абласцей Беларусі і г. Мінска.

Акрыццё фотавыставы ў Мінскай абласной бібліятэцы імя А.С.Пушкіна адбылося 8 жніўня 2023 г. Перад прысутнымі выступіла дырэктар Рэспубліканскага цэнтра нацыянальных культур Вольга Якабсон, а вядучы спецыяліст Інстытута павышэння кваліфікацыі і перападрыхтоўкі кадраў УА "Беларускі дзяржаўны ўніверсітэт культуры і мастацтваў" Алена Каліноўская правяла невілікую экскурсію па выставе. Далей гасцей чакала канцэртная праграма і традыцыйны беларускі каравай! З вялікім натхненнем выступілі творчыя калектывы тэрытарыяльных цэнтраў сацыяльнага абслугоўвання Савецкага і Першамайскага раёнаў г. Мінска.

 

  

  

Культурное наследие для будущих поколений (pushlib.org.by, 09.08.2023)

Перасовачная выстаўка “Дакрануцца душой да спадчыны” экспануецца да 25 жніўня 2023 г.
у Мінскай абласной  бібліятэцы імя А.С. Пушкіна па адрасе: вул. Гікала, 4 (хол другога паверха). Уваход вольны!