Каляндар падзей

Глыбокае запрашае на Другі міжнародны фэст дударскіх рэгіёнаў “Дударскі Рэй – 2018”, які сёлета адбудзецца 4-6 траўня. Свята дуды пройдзе пад акампанімент запрошаных гасцей з розных дударскіх рэгіёнаў Польшчы, Славакіі, Чэхіі, Шатландыі, Латвіі, Бельгіі, Сербіі і Харватыі.

Канферэнцыя адбудзецца на базе Беларускага дзяржаўнага ўніверсітэта культуры і мастацтваў 27-29 красавіка 2018 г.

У межах праекта “Традыцыя” выйшаў унікальны СD мужчынкіх песень. На ім – запіcы аўтэнтычных ансамблевых і сольных спеваў, пераважна з палескіх вёсак, сабраныя вядомымі этнамузыколагамі ў 70 – 80-х гадах ХХ стагоддзя. Гэта першая плыта ў сэрыі, прэзентацыя якой адбудзецца 20 красавіка.

У Нацыянальным мастацкім музеі Рэспублікі Беларусь 12 красавіка адбудзецца адкрыццё фотавыставы Міхася і Кацярыны Аракчэевых «Людзі адной зямлі». Серыя фотапартрэтаў «Людзі адной зямлі» — спроба адлюстраваць адвечны рух часу. Каляровыя партрэты экспанаваліся раней як «Нашы людзі» і з’яўляюцца асобным праектам — серыяй фотавыяў сяброў СЭТ, асноўнай дзейнасцю якога з’яўляецца менавіта пераемнасць, захаванне і аднаўленне беларускай народнай культуры. Манахромныя партрэты людзей сталага ўзросту былі створаны ў этнаграфічных экспедыцыях па ўсёй Беларусі і таксама экспанаваліся як самастойная выстава «Адна зямля — адна памяць».

Багатыя традыцыі святкавання Уваскрасення Хрыстова, якое на Беларусі мае назву Вялікдзень, штогод бываюць адлюстраваны ў шматлікіх артыкулах, фота- і відэсюжэтах. Прапануем сабраныя разам анонсы падзей 2018 года і публікацый пра святочныя звычаі.

Традыцыйны кірмаш рамеснікаў «Казюкі» прайшоў ў Гродне ў Дзень святога Казіміра. Святы Казімір — польскі каралевіч і літоўскі княжыч памёр маладым у Гродне, пахаваны ў Вільні, і прызнаны святым. Ён лічыцца заступнікам Гродзенскай каталіцкай дыяцэзіі, моладзі, майстроў і рамеснікаў